Մայրենի լեզվի օրեր
Փոխառությունը մի լեզվից մյուսին լեզվական տարրերի, հիմնականում բառերի, անցումն է: Փոխառված բառերը լեզուների միջև տնտեսական, քաղաքական, մշակութային շփումների արդյունք են:
Իրանական լեզուներից հայերեն են անցել շուրջ 1400 փոխառություն, որոնցից 530-ը գործածական են ժամանակակից հայերենում: Դրանք բազմազան են ըստ բնույթի և վերաբերում են կյանքի գրեթե բոլոր բնագավառներին:
Ըստ ոլորտների՝ իրանական փոխառությունները բաժանվում են հետևյալ խմբերի.
- Բնության երևույթներ, կենդանական ու բուսական աշխարհ, հանքային նյութեր
- Հասարակական-քաղաքական և մշակութային երեւույթներ
- Մարդու արտաքին տեսք և հոգեկան աշխարհ
- Տնտեսական գործունեության ոլորտներ
Այսպիսով, փոխառությունները բազմազան են թեմատիկայի, ծագման աղբյուրների և գործածության առումով: